БИШКЕК, 28-март. — Sputnik. Чүй ОИИББинин басма сөз кызматы билдиргендей, Аламүдүн районунда эки жөө адамды сүзүп кеткен шектүү кармалды.
Жол кырсыгы өткөн түнү Төмөнкү Ала-Арча айылында болгон. Кырсыктын кесепетинен 13 жана 12 жаштагы эки өспүрүм жабыркаган.
Бүгүн кылмышка шектүү катары 21 жаштагы айдоочу кармалды.
“Милиция кызматкерлери балдарды кагып кетти делген BMW үлгүсүндөгү унааны табышты”, — дешти ШИИБден.
Учурда керектүү тергөө иш-чаралары жүргүзүлүп, андан соң автоунаа айып короого киргизилет. Тергөө иштери уланууда.