БИШКЕК, 26-мар. — Sputnik. Кырсыктаган Boeing 737 учагынын ичиндегилердин баарын курман болду деп эсептейбиз. Мындай билдирүүнү Кытайдын Жарандык авиация башкармалыгынын жетекчиси Ху Чжэньцзя билдиргендигин РИА Новости жазды.
"China Eastern Airlines авиакомпаниясынын MU5735 каттамындагы кырсыктаган учактын 123 жүргүнчүсү менен тогуз экипажы курман болгондугун терең кайгыруу менен билдиребиз", — деген Ху Чжэньцзя.
Ал маркумдардын элесин аза мүнөтү менен эскерүүнү суранган.
Адистер борттогу 120 адамдын ДНКсын изилдеп, тактап чыгышкан.
Эске салсак, 21-март күнү Кытайдын China Eastern Airlines авиакомпаниясынын Boeing 737 үлгүсүндөгү учагы кулаганы кабарланган. Алгач анда 133 киши бар деп айтылып, кийин бортто 132 адам болгону аныкталган. Алардын ичинен 123ү жүргүнчүлөр, тогузу экипаж мүчөлөрү дешкен. Лайнер Куньминден Гуанчжоуга бара жаткан.
Кырсык болгон сааттарда эле учак кулаган аймак аныкталып, жеринде тартылган видео жарыяланган.
Жаңылыктарды кыска жана ыкчам окугуңуз келсе Telegram-каналыбызга катталыңыз.