БИШКЕК, 25-мар. — Sputnik. Украинада курман болгон, Кыргызстанда туулган Эгемберди Дорбоев Россиянын Эрдик ордени менен сыйланды.
Дорбоев марттын башында Украинадагы Россиянын атайын операциясы учурунда курман болгон.
Кыргызстанда туулган, Россиянын жаранынын сөөгүн "Кант" авиабазасы аркылуу Ысык-Көл облусунун Кара-Ой айылына алып келишип, бүгүн акыркы сапарга узатышты.
Бир нече жыл мурда Эгемберди Дорбоев энеси менен Россияга жер которгон. РФтин куралдуу күчтөрүндө, Белгород облусунда өзүнчө чалгын батальонунда келишимдик негизде кызмат өтөп жаткан.