БИШКЕК, 24-мар. — Sputnik. Ысык-Көлдө калың жааган кардан улам ашуулар жана жолдор убактылуу жабылды. Бул тууралуу ӨКМдин маалымат кызматы кабарлады.
Аба ырайына байланыштуу жабылган ашуу менен жолдор:
24-26-мартка чейин Каракол — Эңилчек унаа жолунун 38-112-чакырымы;
Чоң-Ашуу ашуусу. Тазалоо иштери аймакта бороон-чапкын болуп жаткандыгына байланыштуу белгисиз убакытка токтотулду;
Барскоон — Ак-Шыйрак жолундагы Сөөк ашуусу. 22-мартта кар көчкү түшүп, тазалоо иштери жүрүүдө;
Түп — Кеген унаа жолу эки тараптуу жабылган. Учурда тазалоо иштери кызуу жүрүүдө.
ӨКМдин маалыматы боюнча, калың кардан жана кар көчкүдөн жабыркагандар катталган жок. Бардык жерде жол тейлөө мекемелеринин техникалары иштеп жатат.