БИШКЕК, 24-мар. — Sputnik. Москвада 27-март, дүйшөмбү күнү, жалпы, шаардык масштабда Нооруз майрамы өткөрүлөт. Бул туурасында РФтин борбор калаасынын Улуттук саясат жана региондор аралык байланыш департаменти билдирди.
Коронавирустук чектөөлөрдөн улам майрам Navruz.Online. атайын платформасы аркылуу онлайн-форматта өтөт. Былтыр трансляцияны 1,2 миллион адам көргөн. Бул ирет 1,5 миллион көрүүчү күбө болору күтүлүүдө.
Бишкек убактысы боюнча саат 14:50дө "Кыргызстанга саякат" презентациясын көрсөтүү пландалган, анда өлкө тууралуу маалымат берилет.
Иш-чараны 35 уюм колдогон, анын ичинде Кыргызстан, Азербайжан, Афганистан, Иран, Казакстан, Пакистан, Тажикстан жана Өзбекстандын өкүлдөрү бар. Майрамдык салтанатка UFC уюмунун экс-чемпиону Хабиб Нурмагомедов, ырчылар Сосо Павлиашвили, Алсу, Ренат Ибрагимов, Бурито жана "Тодес" балети катышары айтылды.