БИШКЕК, 24-мар. — Sputnik. Британиянын OneWeb системасынын спутниктери Байкоңурда калып, чет элдик адистер имаратты жаап, космодромдон кетти. Бул тууралуу РИА Новостиге Байкоңурдагы ишенимдүү булактар кабарлаган.
Билдирмеге караганда, Британия өкмөтү компаниянын директорлор курамынан чыкпай турганын айтканда Россия OneWeb байланышынын спунтниктерин учуруудан баш тарткан. Ал эми компания спутниктер аскердик максатта колдонулбайт деген кепилдик берген эмес.
"OneWeb командасы ишин бүтүрүп, спутниктер турган имараттын ичиндеги температураны тууралап, эшиктерине мөөр басып космодромдон кетишти", — деген ал.
Агенттикке бул тууралуу айтып берген адам белгилегендей, чет элдиктер космостук аппараттарды Байкоңурдан биротоло чыгарып кетүү мүмкүнчүлүгүн карашкан, бирок каттамды уюштуруу кыйын болгондуктан аны жасай алышкан эмес. Спутниктердин мындан аркы тагдыры Британия өкмөтүнүн иш-аракетинен көз каранды болору айтылды.
Чет элдик адистер "Главкосмос" компаниясынын Европанын Arianespace жана Starsem компаниялары менен түзгөн келишиминин алкагында спутниктерди учуруунун баштапкы иштерине катышкан. Starsem компаниясынын Байкоңурда имараты бар. Ал Батыштын стандарттары менен сертификацияланып, чет элдик адистердин уруксаты жок эч ким кирбейт.
"Роскосмос" корпорациясынын директору Дмитрий Рогозин "Роскосмос" ракеталарды берүүдөн баш тартса OneWeb алдан таярын айткан. Бирок спутниктерди учуруу боюнча бул компания АКШнын SpaceX компаниясы менен келишим түзгөн.