БИШКЕК, 19-мар. — Sputnik. Быйылкы жылдын январь, февраль айларында Кыргызстандын мамлекеттик карызын жабууга 3 миллиард 520,9 миллион сом жумшалган. Бул туурасында Финансы министрлигинин сайтында айтылган.
Анын ичинен арбыны — 1 миллиард 856 миллион сом ички карыздан кутулууга, калганы сырткы карызга берилген. Анткен менен өткөн жылдын январь-февралы үчүн бул максатка 5,5 миллиард сом бөлүнгөн.
Мамлекеттик карызга жалпысынан быйыл 39 миллиард 528,2 миллион сом бөлүү пландалган. Ачык маалыматтарга таянсак (2005-жылдан тарта), бул рекорддук сумма болуп калмакчы.
Мамлекеттик карыздын көлөмү
Соңку маалыматтар боюнча (январдын аягы), мамлекеттик карыздын көлөмү 5 миллиард 137,4 миллион сом. Анын ичинен 4,3 миллиард сырттан алынган. Акыркы жылдары төлөнгөн каражаттын көлөмү өсүп баратат.
Жаңылыктарды кыска жана ыкчам окугуңуз келсе Telegram каналыбызга катталыңыз.