Интернет-пакеттердин бардык жеткирүүлөрү диверсификацияланган. Ошондуктан тышкы операторлордун бири өчүрүлсө, республиканын интернетсиз калуу коркунучу жок. Бул тууралуу Раушан Белекова Sputnik Кыргызстан радиосунда маек куруп жатып билдирди.
Анын айтымында, Кыргызстан интернетти Россия, Казакстан аркылуу алат жана Кытай менен сүйлөшүүлөр жүрүп жатат.
"Позициябызды бекемдөө максатында россиялык алдынкы компаниялар менен сүйлөшүүлөрдү жүргүзүп, берүүнүн ылдамдыгын жогорулатуу боюнча келишимдерди түздүк. Бүгүнкү күндө биз секундасына гигабит ылдамдыкта интернетти камсыздай алабыз. Мындан тышкары, интернеттин альтернативдүү булактары менен сүйлөшүүлөр жүрүп, дүйнөнүн алдынкы компаниялары, анын ичинде глобалдык спутник системасына (Starlink) кошулуу боюнча келишимдер түзүлдү. Андан тышкары, учурда компания өлкөнүн аймактарын интернет менен камсыздоого артыкчылык берүүдө. Бүгүнкү күндө республиканын ар бир районуна, айыл өкмөттөрүнө жана мектептерине кеңири тилкелүү байланышты жеткирүү боюнча эбегейсиз иштер жасалып жатат. Бул аймактардын тургундарына жана мамлекеттик органдарга туруктуу жана жогорку ылдамдыктагы интернетти колдонууга мүмкүндүк берет. Кыргызстандын дээрлик 80 пайызы зымдуу жана мобилдик интернет менен камсыздалган, ал эми кызмат көрсөтүүлөрдүн баасы коңшу өлкөлөргө караганда кыйла арзан", — деди Белекова.
Ал интернет глобалдык тармак экенин, эгер бир провайдер өчүрүлсө, экинчиси интернет-пакеттерин оңой эле жеткире аларын кошумчалады.
Подкасттын толук вариантын төмөнкү видеодон көрүңүз: