БИШКЕК, 17 мар — Sputnik. "Дүйнө сулуусу — 2021" сынагынын жеңүүчүсү деп польшалык Каролина Белявская табылды. Бул тууралуу сынактын Twitter тармагындагы баракчасында айтылат.
70 жылдан бери өткөрүлүп келе жаткан конкурс быйыл Пуэрто-Рикодо өттү. Жеңишке жалпысынан 97 өлкөдөн келген кыздар ат салышты.
"Биринчи вице-мисс" наамына америкалык Шри Сайни ээ болсо, "экинчи вице-мисс" деп Кот-д'Ивуардан келген Оливия Яс аталды.
Каролина 22 жашта. Учурда менеджмент тармагы боюнча магистратура бөлүмүндө окуйт. Ошондой эле ал моделдик кесипти аркалап келет.