БИШКЕК, 16-мар. — Sputnik. Апрелде Instagram социалдык тармагынын россиялык аналогу "Россграм" иштей баштайт. Бул тууралуу долбоордун "ВКонтакте" тармагындагы баракчасында айтылат.
Маалыматка караганда, ал алгач 28-мартта ачылып, Android жана iOS платформалары үчүн тиркемеси болот.
"Биринчи ага белгилүү блогерлер, демөөрчүлөр жана инвесторлор катталышат. Башка колдонуучулар үчүн социалдык тармак апрель айынан тарта жеткиликтүү болот”, — деп айтылат билдирүүдө.
Эске салсак, Россиянын аймагында Instagram социалдык түйүнү жеткиликтүү болбой калган.