БИШКЕК, 13-мар. — Sputnik. "ВКонтакте" чакан жана орто бизнеске колдоо көрсөтүп, ишкерлерге интернет айдыңында өз ишин баштоого жана өнүктүрүүгө керектүү бардык инструменттери бар экенин билдирди.
Тараткан маалыматта иш баштоо үчүн бизнес-баракча ачып, товар жана көрсөтүлүүчү кызмат тууралуу маалымат жарыялоо жетиштүү экени айтылат. Бул үчүн конструктордун жардамы менен жеке сайт түзүп, vk.link түрүндө кыска шилтеме алуу керек.
"ВКонтакте" социалдык сервисинин инструменттери товар сатууга да, кызмат көрсөтүүгө да ылайыктуу интернет-дүкөн ачууга мүмкүнчүлүк берет. Платформа API аркылуу ушу тапта иштеп жаткан дүкөндөр менен байланышта. Төлөмдөрдү VK Pay сервиси аркылуу кабыл алууга болот, ал россиялык банктардын бардык картасы менен иш жүргүзөт. Товар сатуу үчүн ишкерлер Boxberry жана СДЭК аркылуу Россиянын ичинде товар жеткирүү кызматына акысыз туташа алат", — деп айтылат маалыматта.
Ишкерлердин заманга жараша суроо-талабына ылайык, VK чакан жана орто бизнести колдоо жагын да жолго коюп жатат. Бул бөлүм жеке баракчанын майнаптуу иштетип, бардык процесстерди уюштурууга жардам берет.
Ишкерлер үчүн платформадагы жаңычылдыктардын баары күнү-түнү жеткиликтүү болору айтылууда. Кайрылуулар көбөйүп жаткандыктан VK колдоо көрсөтчү кызматынын ишин күчөттү.
Башка платформадагы катталуучуларын сактап калуу үчүн кыска шилтеме түзгөн инструменттер менен QR-коддордун генераторун пайдалануу жетиштүү болот. Бул кызматтар үчүн акы алынбайт.