БИШКЕК, 13-мар. — Sputnik. Сауд Аравиянын бийлиги коопсуздук күчтөрүнө кол салган 81 адамды өлүм жазасына тартты. Анын ичинде Йемендин жети жараны бар. Бул тууралуу Королдуктун Тышкы иштер министрлигинин маалыматына таянып РИА Новости жазды.
Билдирмеге караганда, бул адамдар чет өлкөнүн колдоосу менен террордук топ да түзүшкөн.
"81 адамды өлүм жазасына тартуу боюнча чечим Апелляциялык жана Жогорку сотто күчүндө калтырылып, жарлык чыккан соң ишемби күнү аткарылды", — деп айтылат маалыматта.
Сауд Аравиянын Ички иштер министрлигинин маалыматы боюнча, өлүм жазасына тартылгандардын арасында Йемендин жети жараны, өлкөнүн чыгышынан бир топ жаштар болгон.