БИШКЕК, 12-мар. — Sputnik. Россия жооп иретинде Батышка каршы жеке санкцияларын даярдады. Бул тууралуу өлкөнүн тышкы иштер министринин орун басары Сергей Рябков билдиргенин РИА Новости жазды.
Анын айтымында, министрлик ушул багытта иш жүргүзүүдө.
"Бул негизи күнүмдүк жумуштун эле бир бөлүгү. Санкциялардын масштабы жана кандай болору тууралуу сөз кылуу туура эмес", — деген ал.
Рябковдун айтымында, Россия жакын арада АКШ менен Батышка каршы санкциялардын тизмесин жарыялайт.