БИШКЕК, 11-мар. — Sputnik. Кыргызстандын улуттук курама командасынын эл аралык мелдештерде кие турчу параддык-спорттук экипировкасынын дизайнын иштеп чыгууга сынак жарыяланды. Бул тууралуу Дене тарбия жана спорт департаментинин маалымат кызматы кабарлады.
Сынак эки баскычтан турат. Алгач конкурстун комиссиясы курама командалардын кийим-кечегинин эскизин тандап алат.
Экинчи баскычта тандап алынган дизайн Спорт департаментинин социалдык тармактагы баракчаларына жарыяланат. Добуш берүүгө өлкөнүн бардык жарандары катыша алат.
Сынакка катышуу үчүн арыздар 15-апрель күнү саат 18:00гө чейин кабыл алынат. Кошумча суроолор боюнча sport.gov.kg2022@gmail.com электрондук дарегине жазып же 0709 615 122 номерине чалуу керек.
Спорт департаменти быйыл Көчмөндөр оюну, Азия чемпионаты жана башка эл аралык турнирлер болорун эске салды.