БИШКЕК, 8-мар. — Sputnik. Бишкекте милиция Мадумарова Малика Алмазбековна аттуу кызды издеп жатат. Бул тууралуу Свердлов РИИБдин маалымат кызматы кабарлады.
Маалым болгондой, 5-мартта укук коргоо органдарына Д.А. аттуу Бишкек шаарынын тургуну арыз менен кайрылган. Ал 19 жаштагы Малика Мадумарова аттуу карындашын издөөгө жардам берүүнү суранган.
"Малика 4-мартта Аламүдүн-1 кичи районундагы үйүнөн чыгып кеткен боюнча кайра кайтып келген эмес. Анын кайда экени белгисиз", — деп жазылат маалыматта.
Изделип жаткан кыздын белгилери: бою 180-185 сантиметр, арык чырай, чачы кыска, көздөрү күрөң. Үстүндө узун көк түстөгү куртка, кара шым, кара кофта жана кара өтүк кийип жүргөн.
РИИБ Малика Мадумарованын кайда экенин билгендер же аны көргөндөр болсо (0552) 10-27-43, (0702) 49-88-88 же 102 телефондоруна чалып коюуну өтүндү.