БИШКЕК, 8-мар. — Sputnik. Кыргызстандын хоккей боюнча курама командасы IV дивизиондогу дүйнө чемпионатынын жеңүүчүсү аталды. Мелдеш беш күнгө созулуп, ага Иран, Кыргызстан, Кувейт, Малайзия жана Сингапур өлкөлөрү катышты.
Улуттук команда 3-мартта Ирандын тайпасын 13:1 упай менен, 5-мартта Малайзиянын тайпасын 22:1 упай эсеби менен жеңген. Ал эми кечээ, 7-мартта, Сингапурдун хоккейчилерин ири эсеп менен уткан. Бүгүн, 8-мартта, жыйынтыктоочу оюнда Кувейттен келген команданы 14:0 менен утуп алды.
Муну менен Кыргызстан үчүнчү дивизионго көтөрүлдү.
Мелдештер Бишкек шаарынын муз аянтында өттү. Жеңиш алып келген оюнду КТРК Спорттун YouTube каналынан көрө аласыздар.