БИШКЕК, 6-мар. — Sputnik. Ош — Жидда — Ош багыты боюнча жаңы каттам ачылды. Бул тууралуу "Манас" эл аралык аэропортунун маалымат кызматы кабарлады.
Түндө "Ош" эл аралык аэропортунан Жидда шаарына биринчи чартердик каттам аткарылып,138 жүргүнчү учуп кеткен.
Каттамды Air Manas авиакомпаниясы жүргүзгөн. Бул ата мекендик компания Сауд Аравия Королдугундагы Кыргызстандын алгачкы оператору.
Эми Ош — Жидда — Ош багыты боюнча каттам жумасына бир жолу (жекшемби) аткарылып турат.