БИШКЕК, 6-мар. — Sputnik. Кыргызстандын фехтование боюнча курама командасы юниорлор жана кадеттер арасындагы Азия чемпионатынан коло медаль утту. Бул тууралуу Дене тарбия жана спорт департаменти билдирди.
Аталган спорттук иш-чара Өзбекстандын борбору Ташкент шаарында өткөн.
Командалык беттешке Айпери Токтогулова, Акак Кеңешова жана Юлия Никитина чыгып, үчүнчү орунду камсыздаган.
Фехтование боюнча Азия чемпионатына жалпысынан 20 өлкөдөн 300дөн ашуун спортчу катышкан.