БИШКЕК, 5-мар. – Sputnik. Футбол боюнча Кыргызстандын курама командасынын коргоочусу Тамирлан Козубаев Гонконгдун "Истерн" клубуна өттү. Бул тууралуу Кыргызстандын футбол биримдигинен билдиришти.
"Клуб Тамирлан Козубаев менен иштеше баштаганын 4-мартта расмий жарыялады. Кыргызстандык 3-катар саны менен ойнойт", — деп айтылат билдирүүдө.
"Истерн" өткөн сезондо Гонконг чемпионатында 2-орунду ээлеген. Клуб бул жылы АФК кубогуна катышат.
Козубаев буга чейин индонезиялык "Персита Тангеранг", россиялык "Шинник", литвалык "Шауляя" жана "Гранитас", ошондой эле малайзиялык "Пербаданан Кемажуан Негери Селангор" клубдарынын намысын коргогон.