БИШКЕК, 5-мар. — Sputnik. Россиянын ири авиакомпанияларынын бири "Аэрофлот" 8-марттан тарта эл аралык каттамдарын токтотот. Бул тууралуу РИА Новости агенттиги жазды.
"Учууларды аткарууга тоскоолдук жараткан кырдаалга байланыштуу "Аэрофлот" 8-мартта эл аралык каттамдарын токтотот. Ал эми Россияга кайра учуп келүү үчүн 8-марттан кийинки датага билети бар жүргүнчүлөр 6-марттан тарта бортко алынбайт", — деп айтылат кабарда.
Ал эми Россиянын ичиндеги каттамдар жана Беларустун Минск шаарына учуулар улана берери айтылат.
Эске салсак, "Аэрофлот" компаниясы Кыргызстанга дагы каттап, Россиянын шаарларына эл ташыйт.