"Балдар ар кандай жаракат алышат. Тилекке каршы, алдыңкы сапта автоунаа кырсыгынан жабыркаган учурлар турат. Бирок кийинки жылдары спорттук машыгуулар учурунда денесинен түрдүү жаракат алгандардын да саны өсүүдө. 2019-жылы бул көрсөткүч жалпы учурдун 3-4 пайызын түзсө, 2021-жылда тогуз пайызга жеткени катталды. Травма менен келген жеткинчектерден сурасаң эле бокс, күрөш жана башка спорттун оор түрлөрү менен машыгарын айтышат. Сууда сүзүү, гимнастика сыяктуу травма алуу коркунучу аз спорт түрлөрү менен алектенгендер дээрлик кайрылышпайт. Бул жерде эки маселеден улам көйгөй жаралып жатышы ыктымал. Биринчиси — травма алуу кооптуулугу жогору болгон спорт түрлөрү менен алектенген жеткинчектердин саны арбыды же машыктыруучулар өз ишин жеткиликтүү алып барбай жатат", — деди Өмүрбеков.