БИШКЕК, 2-мар. — Sputnik. Россиянын достору абдан көп, андыктан изоляциялоого болбойт. Бул туурасында аталган мамлекеттин тышкы иштер министри Сергей Лавровдун айтканын РИА Новости билдирди.
"Россиянын достору арбын, аны обочолонтууга болбойт", — деген Лавров al-Jazeera телеканалына.
Батыш өлкөлөрү 2014-жылдан бери Россияга ар кыл санкцияларды салып келет. Алар 2022-жылдын 24-февралынан тарта Украинаны демилитаризациялоо боюнча атайын операциядан кийин күчөдү.
Чыңалган кырдаал олуттуу кесепеттерге алып келе баштады. АКШ жана Батыш мамлекеттери, дүйнөлүк ири уюмга мүчө болгон бир нече өлкө Россияга каршы чектөөлөрдү киргизүүдө. Бул ар кыл тармактарды камтыды. Алардын арасында спорт, экономика, байланыш, гуманитардык багыттар бар.