БИШКЕК, 1-мар. — Sputnik. "Чыгыш электр" ишканасынын Нарын филиалынын кызматкерлери коррупцияга шектелип кармалды. Бул тууралуу Башкы прокуратурадан билдирди.
"Чыгыш электр" ачык акционердик коомунун Нарын филиалынын жооптуу кызматкерлери 2016-2020-жылдары электр энергиясына болгон 219 миллион 667 миң сом карыздарды негизсиз эсептен чыгарганы аныкталды", — деп айтылат билдирүүдө.
Аталган факт боюнча Башкы прокуратура тарабынан Кылмыш-жаза кодексинин 336-беренеси ("Коррупция") менен кылмыш иши козголду.
28-февраль күнү Тянь-Шань райондук электр тармактарынын начальниги Б.Т.О., "Чыгыш электр" ААКнын Нарын филиалынын мурдагы директорлору А.А.А. жана Ж.А.М. кармалып, Нарын милициясынын убактылуу кармоочу жайына киргизилди.
Учурда тергѳѳ амалдары жүргүзүлүүдѳ.
