БИШКЕК, 27-фев. — Sputnik. Борбордук шайлоо комиссиясы Бишкектин эки округунда өтүп жаткан кайра шайлоонун жүрүшү тууралуу маалымат берди.
Саат 16:00гө карата Биринчи май округунда жалпы шайлоочулардын 12 610у же 11,15 пайызы добуш берди. Ал эми Свердлов округунда активдүүлүк байкалып, 21 202 жаран өз тандоосун жасаган. Бул жалпы шайлоочулардын 19,9 пайызын түзөт.
Шайлоо тилкелери саат 20:00дө жабылып, алдын ала жыйынтык жарыяланат.
Эки округдан 25тен талапкер Жогорку Кеңештин депутаттыгына ат салышууда.