БИШКЕК, 24-фев. — Sputnik. РФ президенти Владимир Путин эртең мененки кайрылуусунда Украина аскерлерине да кайрылып, алар өлкөнү талап-тоногон хунтага эмес, калкка кызмат өтөөгө ант бергенин белгиледи. Бул тууралуу РИА Новости жазды.
"Украинанын Куралдуу күчтөрүнүн аскерлерине да кайрылып кетишим керек. Урматтуу жолдоштор! Сиздердин ата-бабаларыңыздар биздин жалпы Ата Мекенибизди улутчулдар менен алардын бүгүнкү күндө Украина бийлигин ээлеп алуусу үчүн согушкан эмес", — деди Путин.
"Сиздер Украинаны талап-тоноп, элин мазактаган хунтага эмес, карапайым калкка кызмат кылуу үчүн ант бергенсиңер. Хунтанын кылмыштуу буйруктарын аткарбаңыздар! Токтоосуз куралды тапшырып, үйлөрүңөргө кайтууга чакырам", — деди РФ президенти.
Өлкө башчысы өз кайрылуусунда бул талаптарды аткарган аскер кызматкерлеринин баары согуштук аракеттер жүрүп жаткан аймактан чыгып, үй-бүлөсүнө кайта аларын белгилеген.
Эскерте кетсек, буга чейин Владимир Путин Донбасста согуштук аракеттерди баштоо чечимин кабыл алганын жар салып, россиялыктардын колдой турганына ишеним билдирген.