БИШКЕК, 23-фев. — Sputnik. Бишкектеги "Даңк" аллеясында Кыргызстандан чыккан UFC мушкери Антонина Шевченкого арналган жылдызча пайда болду. Бул тууралуу спортчу өзүнүн Instagram баракчасына жазды.
"Туулуп-өскөн, машыккан шаарымда жылдызымдын пайда болушун сыймыктануу менен кабыл алдым", — деп жазды ал.
"Пантера" каймана аты бар кыргызстандык спортчу ММА спортунда 9 беттеште жеңишти камсыздап, 4 ирет утулган. Учурда UFC уюмунда эмгектенип жатат.
"Даңк" аллеясы Бишкектеги ири соода борборлорунун биринде жайгашкан. Ал жерге искусство, спорт сыяктуу тармактарда ийгилик жараткан атактуу кыргызстандыктардын жылдызчалары коюлган.