БИШКЕК, 21-фев. — Sputnik. 11-13-февралда жеткинчектер арасында өткөн программалоо боюнча VI эл аралык мелдеште кыргызстандык окуучу Айдар Мундузбаев алтын медаль утуп алды. Бул тууралуу Билим берүү жана илим министрлиги билдирди.
Иш-чараны Румыниянын Прахова округунун Алдыңкы тажрыйба борбору уюштурган.
Мелдешке дүйнөнүн 14 өлкөсүнөн, атап айтканда, Армения, Болгария, Венгрия, Грузия, Египет, Испания, Италия, Кипр, Кыргызстан, Молдова, Россия, Румыния, Сирия жана Украинадан 16 жашка чыга элек 160 окуучу катышкан.
Кыргызстандын атынан жалпы жонунан төрт окуучу катышып, мелдеш катуу атаандаштыкта өткөн .