БИШКЕК, 18-фев. — Sputnik. Кыргызстандын куралдуу күчтөрү Түркиядан аскердик-техника алды. Бул тууралуу Коргоо министрлиги билдирди.
Түркиянын Коргоо ведомствосу аскердик автоунааларды, атайын шаймандарды жана башка жабдыктарды берген.
Коргоо министринин орун басары Таалайбек Усубалиев аскердик-техниканы тапшыруу аземинде Түркиянын Кыргызстандагы элчиси Ахмет Садык Доганга мындай колдоо жана кыргыз аскерлеринин Түркиянын аскердик-машыгуу жайларындагы даярдыгы үчүн ыраазычылык билдирди. Ал ошондой эле кыргыз тарап мындан ары дагы эки тараптуу кызматташууну кеңейтүүгө даяр экенин кошумчалаган.