БИШКЕК, 11-фев. — Sputnik. Кыргызстан калкынын номиналдык акчалай кирешеси өткөн жылдын январь-сентябрь айыларына карата 397 миллиард сомду түздү. Бул 2020-жылдын тийиштүү мезгилине салыштырмалуу 20 пайызга көп. Бул туурасында Улуттук статистика комитети билдирди.
Аталган сумманын ичинен 66,8 пайызы — иштеген жеринен эмгек акы катары алган киреше. Ал эми социалдык трансферттер (пенсия, жөлөк пул) 14,8, жеке чарбалардан түшкөн киреше 13,7 жана башка акчалай түшүүлөр 4,7 пайызды түзөт.
Мунун негизинде Статком өлкөдө бир айдын аралыгында ар бир адамдын колунда 6 511 сом болорун эсептеп чыккан.