БИШКЕК, 12-фев. — Sputnik. Мамлекеттик-жеке өнөктөштүк долбоорунун алкагында күрөшкө ылайыкташкан, Каба уулу Кожомкул атындагы спорт зал курулат. Бул туурасында Экономика министрлиги билдирди.
Маалыматка ылайык, аталган спорт залды "Гермес Логистик" компаниясы салмакчы.
"Долбоор мамлекетке кошумча киреше алып келет. Ошону менен бирге эле заманбап шарттары менен курулган мекеме түрдүү мелдештерди өткөрүүдө өлкөнүн беделин жогорулатууга көмөкчү болот. Курулушту каржылоо жеке өнөктөштүн эсебинен жүргүзүлөт", — деп айтылат маалыматта.
Министрлик жеке өнөктөш конкурстун негизинде тандалып алынганын кошумчалады.