БИШКЕК, 11-фев. — Sputnik. Кыргызстандык балбандар Түркиянын Стамбул шаарында өтө турган беделдүү Yasar Dogu эл аралык турнирине катышат. Бул туурасында Бириккен күрөш уюму (UWW) расмий сайты аркылуу маалымдады.
Аталган турнир үстүбүздөгү жылдын 24-27-февраль күндөрү өтөт.
Анда Кыргызстандын намысын Токио Олимпиадасына катышкан балбан кыздар: Айсулуу Тыныбекова, Мээрим Жуманазарова, Айпери Медет кызы коргойт. Ал эми эркектер арасындагы эркин күрөштөн Эрназар Акматалиев менен Улукбек Жолдошбеков күч сынашат.