БИШКЕК, 10-фев. — Sputnik. Башкы прокурор Курманкул Зулушев Жогорку Кеңештин депутаты Адахан Мадумаровду кылмыш жоопкерчилигине тартууга макулдук берүүнү парламентке сунуштады.
Учурда бул маселени Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитет карап жатат. Андан соң жалпы жыйынга алып чыгат.
Депутаттар бул маселени карап, кылмыш ишин иликтөөчү комиссия түзөт.
Эл өкүлү Адахан Мадумаров журналисттерге башкы прокурордун сунушу парламентке бүгүн эртең менен түшкөнүн билдирди.
Белгилей кетсек, Мадумаров буга чейин кыргыз-тажик чек арасында Төрт-Көчө тилкесине байланыштуу протокол тууралуу Башкы прокуратурага бир нече ирет суракка чакырылган болчу.