БИШКЕК, 10-фев. — Sputnik. Автоунаанын аккумуляторун канча убакытта бир алмаштыруу керектигин Sputnik радиосунун эфиринде Россиянын Улуттук автомобилдик биримдигинин вице-президенти Антон Шапарин айтып берди.
"Аккумулятордун негизги душманы — кышкы суук. Андыктан суук өлкөлөрдө аккумулятор үч-төрт жылга гана чыдайт. Эскилиги жетип келе жаткан тетикте заряд бат түгөнө баштайт. Айдоочу муну байкаары менен алмаштыруу жолдорун издей башташы керек. Анткени автоунаа күтүүсүз жерден кыйчалыш учурда өчүп калышы мүмкүн", — деди адис.
Ошондой эле Шапарин кышкысын автоунааны бир нече күнгө токтотуп койгон маалда аккумуляторду чечип, жылуу жерге киргизип койгон туура экенин айтат. Бул анын өмүрүн узартууга жардам берет.
Адистер буга чейин суукта автоунаа от албай калса эмне кылуу керектиги боюнча кеп-кеңештерди беришкен.