БИШКЕК, 5-фев. — Sputnik. Министрлер кабинети үстүбүздөгү жылдын апрель-июнь айларында "Жашыл ипотека" долбоорун ишке киргизүүнү пландап жатат.
Мындай демилге Кыргызстанды 2026-жылга чейин өнүктүрүү улуттук программасын ишке ашыруу боюнча бекитилген планда жазылган.
Долбоорду "Мамлекеттик ипотекалык компания" ишканасы аркылуу жүзөгө ашыруу каралууда. Буга Германиянын KFW банкы үчүнчү фазаны ишке ашыруунун алкагында 9 миллион евро берери жазылган.
Бийликтин планында "жашыл ипотекага" аныктама берилген эмес. Бирок эл аралык практикага ылайык, мында электр энергиясын үнөмдөө технологиясы менен курулган үйлөрдү сатып алууга ипотекалык кредит берилет.