БИШКЕК, 5-фев. — Sputnik. Кыргызстан менен Түштүк Кореянын ортосундагы дипломатиялык мамилелердин 30 жылдыгын белгилөөнүн алкагында Сеул шаарындагы эл аралык маданият музейинде кыргыз бурчу ачылды. Бул тууралуу ТИМдин маалымат кызматы кабарлады.
Ачылыш аземге Кыргызстандын Кореядагы элчиси Динара Кемелова жана эл аралык маданият музейинин директору Ким Юн Тэ катышкан.
Кыргыз бурчун түзүү үчүн элчилик экспонаттарды чогултуп, аларды маданият музейине белек катары тапшырганы айтылды. Элчилик бул ишке көмөк көрсөткөндөрдүн баарына ыраазычылык билдирген.