БИШКЕК, 4-фев. — Sputnik. Бишкек шаарынын вице-мэри болуп Нурлан Шаршеналиев дайындалды. Бул тууралуу мэриянын маалымат кызматы кабарлады.
Бишкек шаарынын вице-мэри болуп Нурлан Шаршеналиев дайындалды
© пресс-служба мэрии города Бишкек / Улукбек Шамбетов
Тиешелүү буйрукка калаа башчысы Айбек Жунушалиев кол койгон.
Калаа башчысы буга чейин Таалайбек Орозовду башка ишке кетип жатканына байланыштуу вице-мэрликтен бошоткон.
Нурлан Шаршеналиев 1985-жылы Кеминде туулган. Экономика жана юридика боюнча жогорку билимге ээ. Ал Октябрь, Кемин райондук администрацияларында иштеп, Ноокен районун башкарган. Энергетика жана өнөр жай министринин орун басары да болгон.
3-класстагы инспектор мамлекеттик чини бар.