17 жашынан сахнаны көрккө бөлөгөн. Чолпонбек Базарбаевдин эсте калган элеси

Балетмейстер 1949-жылы 4-февралда Кочкордун Чолпон айылында төрөлгөн. 17 жашында эмгек жолун баштаган улуу талант 30дан ашык дүйнөлүк классикалык спектаклде бийлеген. Чолпонбек Базарбаевди союздук республикалардан сырткары Европа, Африка жана Араб өлкөлөрү да жакшы тааныган. Атагы алыска кеткен талант 33 жашында биринчилерден болуп СССРдин эл артисти наамын алган.

Чолпонбек Базарбаев 2002-жылы жол кырсыгынан 53 жаш курагында көз жумган. Азыр анын ысымын Бишкек хореографиялык училищеси алып жүрөт.

Залкар талант жөнүндө кызыктуу фактыларды Sputnik Кыргызстан агенттигинин материалынан окуңуздар.

1 / 13

Кичинекей Чолпонбек он жашында борбор калаага келип музыкалык-хореографиялык училищеде окуган

2 / 13

Композитор Калый Молдобасановдун "Саманчынын жолу" балети. Биринчи катарда Айсулуу Токомбаева, экинчи катарда таланттуу бийчилер (экинчи турган Чолпонбек Базарбаев)

3 / 13

Залкар талант 30дан ашык дүйнөлүк классикалык спектаклде бийлеген

4 / 13

Базарбаев 33 жашында СССРдин эл артисти наамына ээ болгон

5 / 13

Уран Сарбагышев менен Чолпонбек Базарбаев репетиция учурунда

6 / 13

Базарбаев колуктусу менен эки баланы тарбиялап өстүргөн

7 / 13

Балетмейстер кезинде опера жана балет театрында директор, көркөм жетекчи болгон

8 / 13

Кыргыз ССРинин эмгек сиңирген артисти үч жыл Маданият министрлигин жетектеген. Сүрөт Германиядагы кыргыз маданият күндөрүндө тартылган

9 / 13

"Манас" эпосунун 1000 жылдыгын белгилеп жаткан маал. Чолпонбек Базарбаев, мамлекеттик ишмер Жумабек Ибраимов, жазуучу Чыңгыз Айтматов

10 / 13

Балетмейстер белгилүү композитор Муратбек Бегалиев менен, 1996-жыл

11 / 13

СССРдин эл артисти жубайы Надежда менен Америкада

12 / 13

Чолпонбек Базарбаев менен Айсулуу Токомбаева сахнада 20 жылдан ашык бийлеген

13 / 13

СССРдин эл артисти 2002-жылы 53 жашында көз жумган. Быйыл көзү тирүү болгондо 73 жашка толмок