БИШКЕК, 31-янв. — Sputnik. Бишкектеги Red Centre борборуна жарылуучу зат коюлду деген маалыматтан улам анын ичиндеги эл эвакуацияланып жатат. Бул тууралуу Свердлов райондук ИИБден билдиришти.
Жарылуучу зат коюлду деген маалымат аларга саат 18:53тө түшкөн. Мындан улам соода борбор курчоого алып, ичиндегилерди сыртка чыгарышкан. Милициядан учурда ал жерде УКМКнын кызматкерлери иштеп жаткандыгын, башка маалыматтар кечирээк берилерин айтышты.