БИШКЕК, 29-янв. — Sputnik. Бишкекте уландар жана кыздар арасында дзюдо боюнча Кыргызстандын биринчилиги өтөт. Бул тууралуу Маданият, маалымат, спорт жана жаштар саясаты министрлиги кабарлады.
Билдирмеге караганда, спорттук иш-чара 29-30-январь күндөрү Каба уулу Кожомкул атындагы спорт ордосунда уюштурулат.
"Мелдеш 16 салмак категорияда өтөт. Сегиз салмак категория (50, 55, 60, 66, 73, 81,90 кг жана 90 кг жогору) уландар арасында болсо, сегизи (44, 44, 48, 52, 57, 63, 70 жана 70 кг жогору) кыздар арасында", — деп айтылат маалыматта.
Биринчиликтин салтанаттуу ачылышы 29-январь күнү саат 15:00дө болору айтылды.