БИШКЕК, 25-янв. — Sputnik. Аламүдүн районундагы Мурас-Ордо конушунда жашаган 69 жаштагы аял изделип жатат. Бул тууралуу ӨКМден кабарлашты.
24-январда аялдын кийимдери Калыс-Ордо конушунда Чоң Чүй каналындагы көпүрөнүн алдынан табылды
© Фото / пресс-служба МЧС КР
Маалыматка караганда, 23-январь күнү Мурас-Ордо конушунун тургуну А.А. үйүнөн чыгып кеткен бойдон кайтып келген эмес. Жакындары 102 кызматына кайрылган.
24-январда аялдын кийимдери Калыс-Ордо конушунда Чоң Чүй каналындагы көпүрөнүн алдынан табылды. Ошол замат жерине төрт куткаруучу, милиция кызматкери, жергиликтүү тургундардан 10 адам тартылып, издөө иштери саат 17:56га чейин жүргүзүлгөн. Бүгүн издөө улантылмакчы.