БИШКЕК, 24-янв. — Sputnik. Садыр Жапаров Кытайга боло турган иш сапарына байланыштуу аралыктан иштөө режимине өттү. Бул тууралуу өлкө башчынын маалымат кызматынан билдиришти.
Ал 3-5-февралга белгиленген иш сапарынын алкагында Пекин шаарында 2022-жылкы кышкы Олимпиада оюндарынын ачылыш аземине катышат. Ошондой эле Кытайдын төрагасы Си Цзиньпин менен жолугушары айтылды.
Мамлекет башчысы аралыктан иштөө режимине карабай толук кандуу график боюнча иштөөсүн улантат.
Эске салсак, бул жолку кышкы Олимпиадага Кыргызстандын атынан бир гана спортчу катышат. Ал лыжачы Максим Гордеев.