БИШКЕК, 24-янв. — Sputnik. Бишкекте эки коомдук транспорттун маршрутунда өзгөрүү болду. Бул тууралуу мэриядан билдиришти.
Белгилей кетсек, учурда шаардагы коомдук транспорттун маршруттарын токтотуу, өзгөртүү жана жаңыларын киргизүү боюнча түзүлгөн атайын комиссия иштеп, апта сайын жаңы чечимдерди кабыл алууда.
Тагыраагы, №166 маршрутка мындан ары мурдагыдай Чүй проспекти менен түз кетпей, Султан Ибраимов көчөсүнөн Киев көчөсүнө чыгат
Бул ирет №166 маршрутканын жана №12 автобустун каттамы өзгөртүлдү. Тагыраагы, №166 маршрутка мындан ары мурдагыдай Чүй проспекти менен түз кетпей, Султан Ибраимов көчөсүнөн Киев көчөсүнө чыгат. Ал эми Чүй проспектине кайрадан Тыныстанов көчөсү аркылуу түшөт.
Ал эми №12 автобустун линиясы Беш-Күнгөй айылына чейин узартылды. Ага чейинки маршруту ошол бойдон калды. Жакын арада дагы үч маршрутканын багытына өзгөртүү киргизилгени турат.