БИШКЕК, 21-янв. — Sputnik. Казакстандын Кыргызстандагы элчиси Рапил Жошыбаев коңшу мамлекеттин жетекчилигинин атынан Бишкек шаарынын тургундарына казак жарандарына көрсөткөн колдоосу үчүн ыраазычылык билдирди. Бул тууралуу Бишкек мэриясы билдирди.
"Көрсөткөн колдооңуздар үчүн ыраазычылык айтабыз. Казакстандагы кайгылуу окуялардан улам 1 600 жараныбыз өлкөгө Бишкек аркылуу кирип жатты. Бул жардам коңшу өлкө болгондуктан гана эмес, биринчи кезекте кыргыз-казак бир тууган болгону үчүн көрсөтүлдү. Кыйын кырдаалда Кыргызстан ажат ачты", — деген элчи.
Казакстандын жарандарына жардам берген ыктыярчыларга элчилик менен Бишкек шаардык мэриясы ыраазычылык кат тапшырганы айтылды.