Окуя Крюгер паркында болгон.
Алгач бактын башында жаткан кабыланды, бир аздан кийин автоунаа жүргөн жолдо балдары менен келе жаткан чочколорду көрүүгө болот. Аларга кол салуу үчүн кабылан шамдагайлык менен жерге секирип түшүп, жол боюнда өскөн калың чөптүн арасына бугуп калган.
"Коркунуч жакын экендигин доңуздардын чоңдору тыйын чычкандын кооптуулук туурасында кабарлап, үн салганынан байкап калган", — деп айтылат маалыматта.
Саамга тургандан кийин алар үйүрү менен дал кабылан турган жерден өтүп, дагы аярлап, андан ары жолун улаганда бугуп жаткан жыртыч тап койгон. Капыстан жаралган коркунучка абдан тез реакция кылган жаныбарлар бала-чакасы менен болгон күчүн жумшап качып жөнөшкөн. Жырткыч аларды бир далайга чейин кууп барып, бирок жетпесине көзү жеткен соң аракетин токтоткон.
Итапкан алыс кетип калган үйүрдөн артындагы чочколордун бири артына кайрылып бир нече секундага чейин карап турганы кадрга түшүп калган.
"Алгач кабылан өтө ыңгайлуу учурду тандаган. Капыстан кол салып, тигилердин шаштысын кетирген. Андан соң жайыла качкан үйүрдүн ичинен кайсынысын кубалаарын билбей аярлап калган учурда беркилер алыстап кеткенге жетишкен", — деп айтылат роликти коштогон маалыматта.
Кабыландын тумшугуна эч нерсе илинбей кайра кайтып келе жаткан кадрлар менен видео аяктаган.
Мурдараак дал ушундай жолдон жалгыз желип-жортуп чуркап келе жаткан жеринен чочкону арстан баса калган видео тараган эле.