Таштанды, айрылган коробкага толгон темир жолдун жүрөк үшүн алган видеосу Inside Edition басылмасынын YouTube-каналына жарыяланды.
"Бул жер кыйраган шаар тууралуу тартылган тасмадагыдай эле көрүнөт экен", — деген журналист.
CBS Los Angeles телеканалы маалымдагандай, поезд калк көп жашаган аймакка келип, жайлап калганда каракчылар вагон үстүнө чыгып, контейнерлерди ачышат.
"Поезд жүрүп баратабы же токтоп турабы, аларга баары бир. Ичине кирип, кулпуланган жерди ачып, колуна тийгендин баарын алып кетишет", — деген Union Pacific Railroad темир жол компаниясынын жумушчусу.
Мындай талап-тоноодо көбүнчө Amazon, Target, UPS жана FedEx сыяктуу америкалык почта жана курьер компаниялары жапа чегери айтылды. Жыйынтыгында миңдеген посылка ээсине жетпей калат.
Union Pacific Railroad темир жол оператору акыркы жылы Лос-Анжелесте уурулуктун саны 160 пайызга өскөнүн белгилеген.
Тема боюнча: