БИШКЕК, 15-янв. — Sputnik. Москва шаарында "Борбор Азия элдеринин достугу" деп аталган гала-концерт өтүп жатат.
Иш-чара Россиядагы кыргыз диаспорасынын колдоосу менен мамлекеттик Кремль сарайынын чоң залында болот. Уюштуруучулардын максаты аймактагы мамлекеттердин достук алакасын бекемдөө экени айтылууда. Концерт Бишкек убактысы менен саат 21.00дө башталды.
Иш-чарада Кыргызстан, Өзбекстан, Европа жана Азиянын көрүнүктүү таланттары өнөрүн тартууламакчы.
Кыргызстандын атынан манасчы Дөөлөт Сыдыков, акын Жеңишбек Жумакадыр, ырчылар Мирбек Атабеков, Светлана Назаренко, Нурчолпон, Тимур Кожобеков, Байсал Изабеков, кыргыз улуттук "Шайыр апалар" хору, "Улуу көч" оркестри чыгат.
Ал эми балбандар Айсулуу Тыныбекова, Акжол Махмудов, Мээрим Жуманазарова, ишкерлер Денис Гайворонский, Чолпонбек Акматов, Жумадыл Эгембердиев, альпинист Эдуард Кубатов ардактуу мейман катары чакырылган.