БИШКЕК, 13-янв. — Sputnik. Санкт-Петербург шаарында кыргызстандык 17 жаштагы өспүрүм бала бакчанын чатырынан кулап кетип, окуянын жагдайлары иликтенип жатат. Бул тууралуу Кыргызстандын Россиядагы элчилиги кабарлады.
"12-январда көптөгөн жаракат жана көк ала тактар менен 2004-жылы туулган Кыргызстандын Б.Ж.Б. аттуу жараны Раухфус атындагы балдар клиникасынын жандандыруу бөлүмүнө жаткырылган. Абалы оор. Дарыгердин айтымында, келерки жумада анын жамбаш сөөгүнө операция жасоо пландалууда", — деп жазылган маалыматта.
Учурда элчиликтин Санкт-Петербург шаарындагы канцеляриясы жашы жете элек өлкө жараны кандай жагдайда кулагандыгын иликтеп жатат.