"Омикрон" — коронавирустун жаңы штаммы. Ал тез жуккандыгы менен айырмаланат. Ооруну илештиргенден кийин эле белгилери байкала баштайт. Кыргызстанда азыр канча киши "омикрон" штаммын жуктуруп алгандыгы белгисиз.
Маалыматтарда "омикрондун" мутациясы абдан көп экендиги айтылат, тагыраагы, белокто 32ге чейин өзгөрүү кездешкен. "Дельтадан" тез жуккандыгы менен айырмаланат. Аны эл көп топтолгон имаратта илештирип алуу ыктымалдыгы өтө жогору.
Саламаттык сактоо министрлигинен инкубациялык учур киши вирусту жуктурган мезгил экендигин, бирок клиникалык белгилери али пайда боло элек учур болорун айтышты. COVID-19 үчүн бул 14 күндүк мөөнөт болгондуктан бейтаптар карантинде кармаларын эскертишти.