БИШКЕК, 12-янв. — Sputnik. 17-январдан тарта Кыргызстандын Россиядагы өкүлчүлүгү жана консулдук мекемелери Кыргызстандын айдоочулук күбөлүктөрүн каттоо (алмаштыруу) маселелери боюнча жарандарды кабыл ала баштайт. Бул тууралуу элчиликтин маалымат кызматы кабарлады.
Айдоочулук күбөлүктү алмаштырып берчү мекемелер:
Кыргызстандын Екатеринбург шаарындагы башкы консулдугу;
Кыргызстандын Новосибирск шаарындагы башкы консулдугу;
Элчиликтин Владивосток шаарындагы канцеляриясы;
Элчиликтин Иркутск шаарындагы канцеляриясы;
Элчиликтин Красноярск шаарындагы канцеляриясы;
Элчиликтин Санкт-Петербург шаарындагы канцеляриясы;
Элчиликтин Сургут шаарындагы канцеляриясы;
Элчиликтин Южно-Сахалинск шаарындагы канцеляриясы;
Элчиликтин Якутск шаарындагы канцеляриясы.
"Москва шаарындагы элчиликте кабыл алуу шейшемби жана бейшемби күндөрү алдын ала жазылуу боюнча жүргүзүлөт", — деп айтылат маалыматта.
Кабыл алууга жазылуу үчүн msk.prava.kg@mail.ru электрондук дарегине төмөндөгүлөрдү көрсөтүү менен арыз жөнөтүшүңүз керек.
Аты-жөнү;
Туулган айы, жылы, күнү;
Арыз берүүчүнүн байланыш телефондору;
Арыз берүүчүнүн Россиядагы дареги (область/шаар);
Кайрылуу себеби (жарактуулук мөөнөтү аяктагандыгына байланыштуу айдоочунун күбөлүгүн алмаштыруу, анын ээсинин жеке маалыматтарын өзгөртүү, бузулуу же жоготуу).
Бул маалыматты камтыбаган арыздар каралбай турганы эскертилди.