БИШКЕК, 11-янв. — Sputnik. Соңку бир сутканын аралыгында өлкөдө 348 адамдан коронавирус аныкталып, 85 бейтап айыгып чыкты. Бул туурасында Саламаттык сактоо министрлиги билдирди.
Жаңы катталган учурлар:
Бишкек – 244;
Чүй облусу – 38;
Ош облусу – 16;
Жалал-Абад облусу – 22;
Талас облусу – 7;
Ош – 7;
Баткен облусу – 7;
Ысык-Көл облусу – 5;
Нарын облусу – 2.
Жалпы катталган учурлардын саны 186 413 болду.
85 киши айыгып, ушуну менен коронавирустан жалпы 180 432 адам сакайып кетти.
Тилекке каршы, Бишкекте COVID-19 жуктурган эки адам көз жумду. Министрлик алардын вакцина албаганын белгиледи.
Бүгүнкү күндө өлкө боюнча 475 бейтап ооруканада жатат, 1 196 киши үй шартында дарыланууда.
Акыркы суткада 2 973 ПЦР-изилдөө жүргүзүлдү.